«ការផ្សារភ្ជាប់គម្លាត ក្នុងសេដ្ឋកិច្ចនៃថ្នាលបច្ចេកវិទ្យា៖ ការយល់ដឹងពីបរិបទក្នុងប្រទេសអាស៊ានសម្រាប់ការអនុវត្តនៅកម្ពុជា» ដោយ ឯកឧត្តម San Lwin

ទាញយកបទបង្ហាញ (PDF)

ឯកឧត្តម San Lwin ជាអគ្គលេខាធិការរង នៃអគ្គលេខាធិការដ្ឋានអាស៊ាន ទទួលផ្នែកសហគមន៍សង្គម-វប្បធម៌អាស៊ាន (ASCC) សម្រាប់អាណត្តិឆ្នាំ ២០២៤-២០២៧។ ឯកឧត្តម គាំទ្រដល់ អគ្គលេខាធិការអាស៊ាន ក្នុងការសម្រេចបាននូវចក្ខុវិស័យសហគមន៍សង្គម-វប្បធម៌អាស៊ាន (ASCC) និងអនុវត្តផែនការមេរបស់ ASCC សំដៅធានានូវការកំណត់អាទិភាពច្បាស់លាស់ និងការតម្រូវទៅតាមចក្ខុវិស័យអាស៊ានឆ្នាំ២០២៥ ព្រមទាំងដឹកនាំការងារនៃនាយកដ្ឋាន ASCC របស់លេខាធិការដ្ឋានអាស៊ាន។ ឯកឧត្តម បានបម្រើការងារក្នុងមុខតំណែងជាច្រើន នៅក្រសួងការបរទេសមីយ៉ាន់ម៉ា អស់រយៈពេល ៤១ឆ្នាំ។ មុខតំណែងចុងក្រោយរបស់ ឯកឧត្តម គឺជាឯកអគ្គរដ្ឋទូតមីយ៉ាន់ម៉ាប្រចាំប្រទេសអូទ្រីស ព្រមទាំង ជាឯកអគ្គរដ្ឋទូតប្រចាំនៅ Holy See និងLithuania ។ ក្រៅពីបម្រើការនៅស្ថានទូត ឯកឧត្តម  ក៏ធ្លាប់បានបម្រើ ការជាអ្នកតំណាងអចិន្ត្រៃយ៍មីយ៉ាន់ម៉ាប្រចាំការិយាល័យអង្គការសហប្រជាជាតិនៅទីក្រុងវីយែន និងជាតំណាងរង អចិន្ត្រៃយ៍មីយ៉ាន់ម៉ាប្រចាំការិយាល័យអង្គការសហប្រជាជាតិនៅទីក្រុងញូវយ៉កផងដែរ។ ឯកឧត្តម បានទទួលសញ្ញាបត្រ ថ្នាក់បរិញ្ញាបត្រផ្នែកវិទ្យាសាស្ត្រ ពីសាកលវិទ្យាល័យសិល្បៈនិងវិទ្យាសាស្ត្ររ៉ង់ហ្គូន។