ឯកឧត្តម ផាន់ ផល្លា រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ

ឯកឧត្តមបណ្ឌិតសភាចារ្យ ផាន់ ផល្លា បានចាប់ផ្តើមបម្រើការងារនៅក្រសួងសេដ្ឋកិច្ច និងហិរញ្ញវត្ថុ និងឧត្តមក្រុមប្រឹក្សា សេដ្ឋកិច្ចជាតិក្នុងឆ្នាំ២០០៤ ។ ឯកឧត្តមបណ្ឌិតសភាចារ្យ បានចូលរួមយ៉ាងសកម្មក្នុងការងារអភិវឌ្ឍ ប្រព័ន្ធបច្ចេកវិទ្យាព័ត៌មានវិទ្យាសម្រាប់ការគ្រប់គ្រងហិរញ្ញវត្ថុសាធារណៈ (FMIS), កម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ (PFMRP), ការរៀបចំយុទ្ធសាស្រ្តជាតិ និងយុទ្ធសាស្ត្រតាមវិស័យ, យុទ្ធសាស្ត្រកៀរគរចំណូល, ការគ្រប់គ្រង និងវិភាគម៉ាក្រូសេដ្ឋកិច្ច, ក្របខណ្ឌយុទ្ធសាស្រ្តនិងកម្មវិធីស្ដារ និងជំរុញកំណើនសេដ្ឋកិច្ចកម្ពុជាក្នុងការរស់នៅជាមួយកូវីដ-១៩ តាមគន្លងប្រក្រតីភាពថ្មី សម្រាប់ឆ្នាំ២០២១-២០២៣, យុទ្ធសាស្ត្របញ្ចកោណដំណាក់កាលទី១ ២០២៣-២០២៨ និងយុទ្ធសាស្ត្រអភិវឌ្ឍ សេដ្ឋកិច្ចក្រៅប្រព័ន្ធ ២០២៣-២០២៨ ។ល។ បច្ចុប្បន្ន ឯកឧត្តមបណ្ឌិតភាចារ្យ មានតួនាទីជារដ្ឋលេខាធិការ នៃក្រសួងសេដ្ឋកិច្ច និងហិរញ្ញវត្ថុ, សមាជិកនៃឧត្តមក្រុមប្រឹក្សាសេដ្ឋកិច្ចជាតិ, អគ្គលេខាធិការនៃគណៈកម្មាធិការគោលនយោបាយសេដ្ឋកិច្ច និងហិរញ្ញវត្ថុ, ប្រធានក្រុមប្រឹក្សាភិបាលរបស់ធនាគារសហគ្រាសធុនតូច និងមធ្យមកម្ពុជា (SME Bank), និងជាប្រធានក្រុមប្រឹក្សាភិបាលមូលនិធិអភិវឌ្ឍន៍ជំនាញ (SDF) ឯកឧត្តមបណ្ឌិតសភាចារ្យ បានបញ្ចប់ការ សិក្សាថ្នាក់បណ្ឌិត ផ្នែកសេដ្ឋកិច្ច ពីប្រទេសអូស្ត្រាលី។