Category: 2024-speakers-session 1

• បម្រែបម្រួលកម្លាំងពលកម្ម និងបញ្ហាប្រឈមនៅក្នុងតំបន់អាស៊ាន

  

  «បម្រែបម្រួលកម្លាំងពលកម្ម និងបញ្ហាប្រឈមនៅក្នុងតំបន់អាស៊ាន» (PDF) លោកបណ្ឌិត Rashesh Shrestha ជាសេដ្ឋកិច្ចវិទូនៅវិទ្យាស្ថានសិក្សាស្រាវជ្រាវសេដ្ឋកិច្ចសម្រាប់អាស៊ាន និងអាស៊ីបូព៌ា (ERIA) ដែលធ្វើការ ស្រាវជ្រាវលើទីផ្សារការងារ ការអភិវឌ្ឍសេដ្ឋកិច្ច និងការវិនិយោគមូលធនមនុស្ស។ នៅ ERIA លោកបណ្ឌិតធ្វើការសិក្សាស្រាវជ្រាវ និង ដឹកនាំគម្រោងស្រាវជ្រាវតម្រង់ទិសគោលនយោបាយលើប្រធានបទជាច្រើនរួមមាន ៖ មូលធនមនុស្ស ការអប់រំ ខ្សែច្រវ៉ាក់តម្លៃសកល ពាណិជ្ជកម្ម និងបរិយាបន្នហិរញ្ញវត្ថុ។ មុនពេលចូលរួមជាមួយ ERIA លោកបណ្ឌិតគឺជាជំនួយការសាស្ត្រាចារ្យនៅសាកលវិទ្យាល័យ ជាតិអូស្ត្រាលី លោកបណ្ឌិតបានទទួលសញ្ញាបត្រកម្រិតបណ្ឌិតផ្នែកកសិកម្ម និងសេដ្ឋកិច្ចអនុវត្ត ពីសាកលវិទ្យាល័យ Wisconsin-Madison។

  2024-speakers-session 1

• សាស្ត្រាចារ្យ Shandre M. Thangavelu

  

  «គោលនយោបាយសេដ្ឋកិច្ចសម្រាប់កំណើនការងារ ប្រកបដោយបរិយាបន្ននៅក្នុងតំបន់អាស៊ាន» (PDF) សាស្ត្រាចារ្យ Shandre M. Thangavelu ជាប្រធានវិទ្យាស្ថាន Jeffrey Cheah Institute for Southeast Asia និងជាអ្នកជំនាញជាន់ខ្ពស់នៅមជ្ឈមណ្ឌល Jeffrey Sachs ដើម្បីការអភិវឌ្ឍប្រកបដោយនិរន្តរភាព នៃសាកលវិទ្យាល័យ Sunway, ប្រទេសម៉ាឡេស៊ី។ លោកសាស្ត្រាចារ្យ ក៏បានចូលបម្រើការងារនៅសាកលវិទ្យាល័យ Adelaide នៃប្រទេសអូស្ត្រាលីផងដែរ ហើយនៅឆ្នាំ២០២១ លោកសាស្ត្រាចារ្យ ត្រូវបានតែងតាំងជាទីប្រឹក្សាពាណិជ្ជកម្មរបស់រដ្ឋមន្ត្រីក្រសួងពាណិជ្ជកម្មរបស់កម្ពុជា ដោយបានទទួលមេដាយសុវត្ថារាថ្នាក់ធិបឌិន្ទ នៅក្នុង ឆ្នាំ២០២៣ ក្នុងកិច្ចរួមចំណែកជំរុញកំណើនពាណិជ្ជកម្ម និងសេដ្ឋកិច្ចរបស់កម្ពុជា។ លោកសាស្ត្រាចារ្យ ជាអ្នកជំនាញផ្នែកធនធានមនុស្សការវិនិយោគផ្ទាល់ពីបរទេស និងសមាហរណកម្មអាស៊ាន។ លោកសាស្ត្រាចារ្យមានស្នាដៃជាច្រើន និងជាអ្នកនិពន្ធសៀវភៅមួយចំនួនដូចជា សៀវភៅណែនាំ ស្តីពីសមាហរណកម្មសេដ្ឋកិច្ចអាស៊ីបូព៌ា។ លោកសាស្ត្រាចារ្យ បានទទួលសញ្ញាបត្រពីសាកលវិទ្យាល័យ Queen’s University ប្រទេសកាណាដា។

  2024-speakers-session 1

• ឯកឧត្តមបណ្ឌិត អ៊ុំ ច័ន្ទមនោ

  

  ឯកឧត្តមបណ្ឌិត អ៊ុំ ច័ន្ទមនោ ជាទីប្រឹក្សាអមក្រសួងការងារ និងបណ្តុះបណ្តាលវិជ្ជាជីវៈ។ ឯកឧត្តមបណ្ឌិត ធ្លាប់ជាអ្នកដឹកនាំ និងជាអ្នកផ្តល់ប្រឹក្សាលើគម្រោងស្រាវជ្រាវជាច្រើនសម្រាប់រដ្ឋបាលថ្នាក់ជាតិ និងថ្នាក់ក្រោមជាតិ អង្គការអន្តរជាតិ និងដៃគូអភិវឌ្ឍន៍ ដូចជា Australian Award Cambodia, CAVAC CARITAS Australia , DFAT, JICA, IOM, UNOPS, និង USAID ជាដើម។ ឯកឧត្តមបណ្ឌិត មានបទពិសោធន៍ និងចំណាប់អារម្មណ៍ក្នុងការស្រាវជ្រាវពាក់ព័ន្ធនឹងសេដ្ឋកិច្ចការងារ កំណើនសេដ្ឋកិច្ច និងការអភិវឌ្ឍន៍ ឥណទានខ្នាតតូច ការធ្វើចំណាកស្រុក និងប្រាក់បញ្ញើពីបរទេស។

  2024-speakers-session 1

• ឯកឧត្តមបណ្ឌិត ផាន់ ផល្លា

  

  ឯកឧត្តមបណ្ឌិត ផាន់ ផល្លា បានចាប់ផ្តើមបម្រើការងារនៅក្រសួង​សេដ្ឋកិច្ច និងហិរញ្ញវត្ថុ និងឧត្តមក្រុមប្រឹក្សាសេដ្ឋកិច្ចជាតិ ក្នុងឆ្នាំ២០០៤។ ឯកឧត្តមបណ្ឌិត បានចូលរួមយ៉ាងសកម្មក្នុងការងារ​អភិវឌ្ឍន៏​​គម្រោង​​​ប្រព័ន្ធ​ព័ត៌មានវិទ្យា​គ្រប់គ្រង​វិស័យ​ហិរញ្ញវត្ថុ ​សាធារណៈ (FMIS), កម្មវិធី​កែទម្រង់​ការគ្រប់គ្រង​ហិរញ្ញ​វត្ថុ​សាធារណៈ (PFMRP), ការរៀបចំយុទ្ធសាស្រ្តជាតិ និងយុទ្ធសាស្ត្រ តាមវិស័យ, យុទ្ធសាស្ត្រ​កៀរគរចំណូល, ការគ្រប់គ្រង និងវិភាគម៉ាក្រូសេដ្ឋកិច្ច, ក្របខណ្ឌ​យុទ្ធសាស្រ្តនិងកម្មវិធីស្ដារ និងជំរុញ កំណើនសេដ្ឋកិច្ច​កម្ពុជា​ក្នុង​ការរស់នៅ​ជាមួយកូវីដ-១៩ តាមគន្លងប្រក្រតីភាពថ្មីសម្រាប់ឆ្នាំ២០២១-២០២៣, យុទ្ធសាស្ត្របញ្ចកោណ ដំណាក់កាលទី១ និងយុទ្ធសាស្ត្រអភិវឌ្ឍន៏សេដ្ឋកិច្ចក្រៅប្រព័ន្ធ ២០២៣-២០២៨។ល។ បច្ចុប្បន្ន ឯកឧត្តមបណ្ឌិត មានតួនាទីជា រដ្ឋលេខា​ធិការ នៃក្រសួងសេដ្ឋកិច្ច និងហិរញ្ញវត្ថុ សមាជិក​នៃ​ឧត្តមក្រុមប្រឹក្សា​សេដ្ឋកិច្ចជាតិ, អគ្គលេខាធិការនៃគណៈកម្មាធិការ គោល​នយោបាយសេដ្ឋកិច្ច និងហិរញ្ញវត្ថុ, ប្រធាន​ក្រុម​ប្រឹក្សា​ភិបាល​របស់ធនាគារ​សហគ្រាស​ធុនតូច និងមធ្យមកម្ពុជា (SME Bank), និងជាប្រធានក្រុមប្រឹក្សាភិបាលមូលនិធិអភិវឌ្ឍន៍ជំនាញ (SDF)។ ឯកឧត្តមបណ្ឌិត បានបញ្ចប់​ការសិក្សា​ថ្នាក់​បណ្ឌិតផ្នែក​សេដ្ឋកិច្ច ពីប្រទេសអូស្ត្រាលី។

  2024-speakers-session 1

• ឯកឧត្តម គួច សុមាន

  

  ឯកឧត្តម គួច សុមាន បានចាប់ផ្តើមបម្រើការងារនៅក្នុងក្រសួងការងារ និងបណ្តុះបណ្តាលវិជ្ជាជីវៈ ក្នុងឆ្នាំ២០១២។ ឯកឧត្តមធ្លាប់មានតួនាទីជាអគ្គលេខាធិការនៃអគ្គលេខាធិការដ្ឋានក្រុមប្រឹក្សាជាតិប្រាក់ឈ្នួលអប្បបរមា, អនុប្រធាននៃទីភ្នាក់ងារជាតិមុខរបរ និងការងារ និងជាទីប្រឹក្សាអមក្រសួងផងដែរ។ បច្ចុប្បន្ន ឯកឧត្តមមានតួនាទីជារដ្ឋលេខាធិការ នៃក្រសួងការងារ និងបណ្តុះបណ្តាលវិជ្ជាជីវៈ។ ឯកឧត្តម បានចូលរួមយ៉ាងសកម្មក្នុងការអភិវឌ្ឍ និងលើកកម្ពស់សេវាការងារសាធារណៈ, ប្រព័ន្ធព័ត៌មានទីផ្សារការងារ, សន្តិសុខសង្គម, ប្រាក់ឈ្នួលអប្បបរមានៅក្នុងប្រទេសកម្ពុជា និងគោលនយោបាយជាតិមួយចំនួនផងដែរ។ ឯកឧត្តម បានបញ្ចប់ការសិក្សាថ្នាក់អនុបណ្ឌិតផ្នែក Applied Labour Economics for Development ពីប្រទេសបារាំង និងអុីតាលី, ផ្នែកគ្រប់គ្រង ពីប្រទេសបារាំង និងកំពុងបន្តការសិក្សាថ្នាក់បណ្ឌិតនៅសាកលវិទ្យាល័យណាហ្គូយ៉ា (Nagoya University) ប្រទេសជប៉ុន លើជំនាញសេដ្ឋកិច្ចអភិវឌ្ឍន៍។

  2024-speakers-session 1