Category: 2024-speakers-session 3

• លោកបណ្ឌិត គី សេរីវុធ ជាសេដ្ឋវិទូការងារ និងជាអ្នកជំនាញស្រាវជ្រាវ ដែលមានឯកទេសលើការអភិវឌ្ឍជំនាញ និងការវិភាគ

  

  ទីផ្សារការងារ។ ក្នុងនាមជាអគ្គលេខាធិការរងនៃអគ្គលេខាធិការដ្ឋានក្រុមប្រឹក្សាជាតិប្រាក់ឈ្នួលអប្បបរមានៃក្រសួងការងារ និងបណ្តុះបណ្តាល វិជ្ជាជីវៈ លោកបណ្ឌិតបានដឹកនាំការស្រាវជ្រាវលើប្រធានបទ៖ ប្រាក់ឈ្នួល ទីផ្សារការងារ គម្លាតជំនាញ និងនិន្នាការ ម៉ាក្រូសេដ្ឋកិច្ច ដើម្បីគាំទ្រដល់ការអភិវឌ្ឍគោលនយោបាយពាក់ព័ន្ធ។ ជាមួយនឹងកម្រិតសញ្ញាបត្របណ្ឌិតផ្នែកសេដ្ឋកិច្ចការងារ និងអនុបណ្ឌិតផ្នែកសេដ្ឋកិច្ច និងហិរញ្ញវត្ថុ អន្តរជាតិ លោកបណ្ឌិតបានចូលរួមចំណែកយ៉ាងទូលំទូលាយក្នុងការសិក្សាអំពីគោលនយោបាយ ទីផ្សារការងារសកម្ម និងនិន្នាការម៉ាក្រូ សេដ្ឋកិច្ចនៅកម្ពុជា។ បទពិសោធន៍ដ៏ច្រើនរបស់លោកបណ្ឌិតក្នុងការស្រាវជ្រាវទីផ្សារការងារ និងការអភិវឌ្ឍជំនាញ បញ្ជាក់ពីការយក ចិត្តទុកដាក់របស់លោកបណ្ឌិតក្នុងការលើកកម្ពស់ធនធានមនុស្ស និងការលើកកម្ពស់កំណើនសេដ្ឋកិច្ច ដោយបរិយាប័ន្ននៅក្នុងប្រទេសកម្ពុជា។

  2024-speakers-session 3

• លោក Shakeel Ahmad អ្នកតំណាងរងកម្មវិធីអភិវឌ្ឍន៍សហប្រជាជាតិប្រចាំប្រទេសកម្ពុជា

  

  លោក Shakeel Ahmad ជាសេដ្ឋវិទូផ្នែកអភិវឌ្ឍន៍ដែលមានបទពិសោធន៍ជាង ២២ឆ្នាំ ក្នុងការអភិវឌ្ឍអន្តរជាតិ រួមទាំង ១៦ឆ្នាំ ជាមួយUNDP។ លោកបានបញ្ចប់ថ្នាក់អនុបណ្ឌិតផ្នែកគ្រប់គ្រងការអភិវឌ្ឍពីសាលាសេដ្ឋកិច្ច និងវិទ្យាសាស្ត្រនយោបាយទីក្រុងឡុងដ៍ និងមួយទៀតផ្នែកសេដ្ឋកិច្ចកសិកម្មជាមួយនឹងមេដាយមាសពីប្រទេសប៉ាគីស្ថាន។ ពីមុនលោកធ្លាប់បម្រើការជាអ្នកជំនាញការកម្មវិធីប្រចាំប្រទេសនៅស្នាក់ការ UNDP ប្រចាំក្រុងបាងកក ដែលជាកន្លែងលោកទទួលបន្ទុកលើកម្មវិធីនានានៅទូទាំងអាស៊ី និងប៉ាស៊ីហ្វិក។ លោក Shakeel បានកាន់តួនាទីជាអ្នកតំណាងរងស្តីទីរបស់ UNDP នៅស្រីលង្កា ហើយនៅអាហ្វហ្គានីស្ថាន ជាទីប្រឹក្សាគោលនយោបាយ និងនៅប៉ាគីស្ថាន ជាជំនួយការអ្នកតំណាងរងប្រចាំប្រទេស។ បទពិសោធន៍របស់លោកក៏រួមបញ្ចូលការងារជាមួយ កិច្ចសហប្រតិបត្តិការអភិវឌ្ឍន៍ស្វីស និងគម្រោងអភិវឌ្ឍន៍សហគមន៍នៅក្នុងប្រទេសប៉ាគីស្ថានផងដែរ។ លោក Shakeel បច្ចុប្បន្ននេះ ជាអ្នកតំណាងរងកម្មវិធីអភិវឌ្ឍន៍សហប្រជាជាតិ (UNDP) ប្រចាំប្រទេសកម្ពុជា ចាប់តាំងពីខែកក្កដា ឆ្នាំ២០២៣។

  2024-speakers-session 3

• លោកស្រី Mastumoto Makiko អ្នកជំនាញការផ្នែកមុខរបរ និងការងារនៃអង្គការអន្តរជាតិខាងការងារ ILO

  

  «គោលនយោបាយទីផ្សារការងារសកម្មក្នុងការជួយគាំទ្រការបង្កើតការងារនិងភាពមានការងារធ្វើ» (PDF) លោកស្រី Matsumoto Makiko ជាអ្នកជំនាញផ្នែកមុខរបរ និងការងារ នៃ ILO លើគោលនយោបាយការងារ និងការអភិវឌ្ឍទីផ្សារការងារនៅអាស៊ីបូព៌ា អាស៊ីអាគ្នេយ៍ និងប៉ាស៊ីហ្វិក។ ជាមួយនឹងបទពិសោធន៍ ការងារជាងពីរទសវត្សរ៍ លោកស្រីបានធ្វើការងារពាក់ព័ន្ធផលជះនៃសកលភាវូបនីយកម្មការងារ ការងារយុវជន និងគោលនយោបាយម៉ាក្រូសេដ្ឋកិច្ចសម្រាប់ការបង្កើតការងារ។ តាំងពីឆ្នាំ២០១៣ លោកស្រី​​​ បានចាប់ផ្តើមការងារនៅទីក្រុងបាងកក ទាក់ទងនឹងកិច្ចសន្ទនាគោលនយោបាយ, អង្កេតកម្លាំងពលកម្ម, និងការកសាងសមត្ថភាពសម្រាប់ការលើកកម្ពស់ការងារ។ លោកស្រីជាអ្នកជំនាញការលើ ការងារយុវជន, សេដ្ឋកិច្ចក្រៅប្រព័ន្ធ, យុទ្ធសាស្ត្រការងារនៅតាមជនបទ និងសមភាព យេនឌ័រក្នុងទីផ្សារការងារ។ លោកស្រី ក៏ធ្លាប់ធ្វើការជាអ្នកស្រាវជ្រាវសេដ្ឋកិច្ចនៅទីក្រុងហ្សឺណែវ និងនៅក្នុងវិស័យឯកជននៅក្នុងទីផ្សាររបស់ជប៉ុនផងដែរ។

  2024-speakers-session 3

• Dr. Abla Safir សេដ្ឋវិទូជាន់ខ្ពស់ នៃធនាគារពិភពលោក

  

  Dr. Abla Safir គឺជាសេដ្ឋវិទូជាន់ខ្ពស់ផ្នែកគាំពារសង្គមសកលរបស់ធនាគារពិភពលោក ដែលមានមូលដ្ឋាននៅរាជធានីភ្នំពេញ។ លោកស្រីបណ្ឌិត កំពុងដឹកនាំការចូលរួមរបស់ធនាគារលើការគាំពារសង្គម និងលើកម្លាំងពលកម្មនៅកម្ពុជា និងវៀតណាម។ លោកស្រីបណ្ឌិត បានចូលបម្រើការងារអស់រយៈពេល ១៤ឆ្នាំនៅធនាគារពិភពលោក ហើយលោកស្រីបណ្ឌិត បានធ្វើការងារវិភាគលើ ប្រធានបទ ទីផ្សារការងារ ការធ្វើចំណាកស្រុក ជំនាញ ការគាំពារសង្គម និងការផ្តល់សេវានៅអឺរ៉ុប និងអាស៊ីកណ្តាល ព្រមទាំងមជ្ឈិមបូព៌ា និងអាហ្វ្រិកខាងជើង។ លោកស្រីបណ្ឌិត គឺជាសមាជិកស្នូលនៃរបាយការណ៍អភិវឌ្ឍន៍ពិភពលោក ឆ្នាំ២០១៧ “អភិបាលកិច្ចនិងច្បាប់”។ មុនពេលចូលបម្រើការងារជាមួយធនាគារពិភពលោក លោកស្រីបណ្ឌិត ក៏ជាសេដ្ឋវិទូនៅ OECD ដែលជាកន្លែងលោកស្រីបណ្ឌិត បានដឹកនាំកម្មវិធីការងារ ស្តីពីការធ្វើចំណាកស្រុកនៅអាមេរិកកណ្តាល និងអាហ្វ្រិកខាងលិច។ មុនពេលនោះ លោកស្រីបណ្ឌិត បានចូលបម្រើការនៅធនាគារវិនិយោគ BNP Paribas និង Goldman Sachs នៅទីក្រុងឡុងដ៏។ លោកស្រីបណ្ឌិត ទទួលបានសញ្ញាបត្រ បណ្ឌិតផ្នែកសេដ្ឋកិច្ចពីសាលាសេដ្ឋកិច្ចទីក្រុងប៉ារីស និងសញ្ញាបត្រអនុបណ្ឌិត ពីសាលាធុរកិច្ច HEC និង បញ្ចប់ការសិក្សាពីសាលា ENSAE នៅទីក្រុងប៉ារីស។

  2024-speakers-session 3

• លោក សុខ ឡោ តំណាងមកពីសហព័ន្ធនិយោជក និងសមាគមពាណិជកម្មកម្ពុជា

  

  លោក សុខ ឡោ ជានាយកគ្រប់គ្រងក្រុមហ៊ុនច្បាប់ Sok Xing & Hwang និងជាសមាជិកក្រុមប្រឹក្សាប្រតិបត្តិរបស់ CAMFEBA ជាមួយនឹងបទពិសោធន៍ផ្នែកច្បាប់ រយៈពេល ២០ឆ្នាំ។ លោកមានជំនាញលើការវិនិយោគបរទេស ប្រតិបត្តិការអាជីវកម្ម (mergers and acquisitions) កិច្ចការបទប្បញ្ញត្តិ និងការអនុវត្តច្បាប់នៅកម្ពុជា។ ក្នុងនាមជាតំណាងរបស់ CAMFEBA លោកជា អ្នកជំនាញលើ ច្បាប់ការងារ និងគោលនយោបាយ។ លោកធ្លាប់បានផ្តល់យោបល់ដល់ក្រុមប្រឹក្សាអាជ្ញាកណ្តាលអំពីស្តង់ដាការងារ និងគ្រប់គ្រងគម្រោង អន្តរជាតិដែលមានតម្លៃរាប់លានដុល្លារជាមួយអង្គការអន្តរជាតិផ្សេងៗដូចជា EU និង USAID ក្នុងនាមជានាយកប្រតិបត្តិនៃមូលនិធិ ក្រុមប្រឹក្សាអាជ្ញាកណ្តាល។ លើសពីនេះ លោកក៏បានបង្រៀនជំនាញច្បាប់នៅសាកលវិទ្យាល័យបញ្ញាសាស្រ្ត និងសាកលវិទ្យាល័យភូមិន្ទនីតិសាស្រ្ត និងវិទ្យាសាស្ត្រសេដ្ឋកិច្ច។

  2024-speakers-session 3